«Бавария» собиқ дарвозабони Оливер Кан Юрген Клоппнинг «Реал» бошқарувига келиши мумкинлиги ҳақида ўз фикрини билдирди.
«Юрген — ривожлантиришни ва қуришни яхши кўрадиган мутахассис. У муайян бир тизимга асосланиб ишлайди.
«Реал» эса — бутунлай бошқача дунё. «Реал» — бу алоҳида шахсиятлар ва юлдузлар жамоаси бўлиб, улар ҳар қандай мажбурий концепцияга бўйсунишни қатъиян рад этишади. Биз буни Хаби Алонсо мисолида ҳам кўрдик.
Бу ерда асосий масала — мураббийнинг ҳурматга сазоворлигида, футболчилар билан тил топиша олишида ҳамда юлдузлар билан ишлаб, уларни ўзи қўлламоқчи бўлган тизим зарурлигига ишонтира олишидадир», — деди Оливер Кан.
