«Манчестер Юнайтед» ёзги трансфер ойнасида «Ньюкасл» ярим ҳимоячиси Сандро Тоналини жамоага таклиф этмоқчи. Бу ҳақда TuttoJuve нашри хабар тарқатмоқда.
«Қизил иблислар» италиялик футболчини Каземиро учун «идеал» ўринбосар сифатида кўришмоқда. Бразилиялик тажрибали ўйинчи ёзда клубни тарк этиши кутилмоқда.
«МЮ» аллақачон Сандро Тонали трансфери бўйича мулоқотни бошлаб юборган. Англия гранди ушбу футболчини ўз сафига қўшиб олишни истаётган «Ювентус»ни ортда қолдиришга ҳаракат қилмоқда.













