UZCARD миллий тўлов тизими Rocket Production томонидан яратилган “34-yillik orzu” ҳужжатли сериалига ҳамкор бўлди. Ушбу кенг кўламли лойиҳа Ўзбекистон миллий терма жамоасининг Жаҳон чемпионатига олиб борувчи йўлини ёритади.

Сериал 1990-йилларда Жаҳон чемпионатига чиқиш учун илк уринишлардан тортиб, ҳозирги кун саралаш босқичларигача бўлган 30 йилдан ортиқ даврни қамраб олади. Ҳар бир қисм алоҳида саралаш босқичига бағишланиб, футболчилар, мураббийлар, мухлислар ва кадр ортида қолган жамоа иштирокчилари ҳикоялари орқали очиб берилади.

Лойиҳа асосини ноёб архив материаллар, замонавий технологиялар ёрдамида тикланган 200 дан ортиқ ўйин ҳамда шахсий ҳикоялар ташкил этади. Бу — терма жамоа билан биргаликда ғалаба ва мағлубиятларни ва йиллар давомида умидли онларни бошдан кечирган авлодлар тарихи.

Сериалда футболчилар ва мураббийларнинг тақдирлари, муҳим ўйинлар ҳамда мухлисларнинг ўн йиллар давомида сўнмай ушбу умумий тарихнинг бир қисмига айланган ишончлари алоҳида ёритилади. Лойиҳа терма жамоанинг илк одимларидан бугунги кунига қадар яхлит манзара яратиб, спорт тарихини мамлакат тарихига айлантиради.

UZCARD учун ушбу лойиҳада иштирок этиш — одамларни бирлаштирадиган маънолар билан ишлашдир. Ўзбекистонда футбол — бу шунчаки спорт эмас. Бу турли авлодлар ва шаҳарлардан ўтиб, миллионлаб одамларни ўз атрофида бирлаштирадиган умумий ҳиссиётлар. Бундай лойиҳаларни қўллаб-қувватлаш — миллий хотиранинг бир қисмига айланиб бораётган тарихларни сақлаш ва қайта кўриб чиқишга қўшилаётган ҳиссадир.

“34-yillik orzu” сериали премьераси 2-май куни соат 19:00 да iTV платформасида бўлиб ўтади.

Лойиҳа кенг аудитория учун очиқ бўлиб, мамлакат ўз терма жамоаси билан бирга босиб ўтган йўлни қайта яшаш имконини беради.

UZCARD. Қулай яшанг.