«Спортинг» клуби ва бош мураббий Руй Боржеш ўзаро шартномани 2028 йилга қадар узайтиришди.

Португалиялик мутахассис 2024 йилнинг охирида Рубен Аморимнинг ўрнини эгаллаб, жамоа бошқарувини қўлга олган эди. Боржеш қўл остида «Спортинг» ўтган мавсумда Португалия чемпионига айланди, жорий мавсумда эса Чемпионлар лигасининг чорак финалига қадар етиб бориб, у ерда «Арсенал»га имкониятни бой берди (0:1, 0:0).

Ҳозирда жамоа Португалия чемпионати турнир жадвалида учинчи ўринда бормоқда. Чемпионат якунига 3 тур қолганда «Спортинг» пешқадам «Порту»дан 9 очкога ортда қолмоқда.