«Sporting» klubi va bosh murabbiy Ruy Borjesh o‘zaro shartnomani 2028 yilga qadar uzaytirishdi.

Portugaliyalik mutaxassis 2024 yilning oxirida Ruben Amorimning o‘rnini egallab, jamoa boshqaruvini qo‘lga olgan edi. Borjesh qo‘l ostida «Sporting» o‘tgan mavsumda Portugaliya chempioniga aylandi, joriy mavsumda esa Chempionlar ligasining chorak finaliga qadar yetib borib, u yerda «Arsenal»ga imkoniyatni boy berdi (0:1, 0:0).

Hozirda jamoa Portugaliya chempionati turnir jadvalida uchinchi o‘rinda bormoqda. Chempionat yakuniga 3 tur qolganda «Sporting» peshqadam «Portu»dan 9 ochkoga ortda qolmoqda.