«Ливерпуль» ва «Манчестер Юнайтед» клублари «Ювентус» вингери Франсишку Консейсауга қизиқиш билдирмоқда.
Футболчининг агенти Жорже Мендеш билан ўтказилган музокаралар давомида шу нарса маълум бўлдики, яқин ойлар ичида португалиялик футболчининг АПЛга эҳтимолий трансфери борасидаги гап-сўзлар янада кучайиши мумкин.
Шу билан бир вақтда, Турин клуби Консейсау жамоани тарк этган тақдирда унинг ўрнини боса оладиган янги вингер қидиришни бошлаб юборди.
La Gazzetta dello Sport нашрининг хабарига кўра, «Ювентус» эътиборини «Марсель» футболчиси Мэйсон Гринвудга қаратган. Туринликлар Консейсау билан боғлиқ вазият ривожини ва Эдон Жегрова бўйича тушадиган таклифларни кутган ҳолда, инглиз футболчиси учун курашга қўшилдилар.
Жорий мавсумда Гринвуд Лига 1 доирасидаги 29 та ўйинда 15 та гол урди ва 6 та голли узатмани амалга оширди.
