«Liverpul» va «Manchester Yunayted» klublari «Yuventus» vingeri Fransishku Konseysauga qiziqish bildirmoqda.
Futbolchining agenti Jorje Mendesh bilan o‘tkazilgan muzokaralar davomida shu narsa ma’lum bo‘ldiki, yaqin oylar ichida portugaliyalik futbolchining APLga ehtimoliy transferi borasidagi gap-so‘zlar yanada kuchayishi mumkin.
Shu bilan bir vaqtda, Turin klubi Konseysau jamoani tark etgan taqdirda uning o‘rnini bosa oladigan yangi vinger qidirishni boshlab yubordi.
La Gazzetta dello Sport nashrining xabariga ko‘ra, «Yuventus» e’tiborini «Marsel» futbolchisi Meyson Grinvudga qaratgan. Turinliklar Konseysau bilan bog‘liq vaziyat rivojini va Edon Jegrova bo‘yicha tushadigan takliflarni kutgan holda, ingliz futbolchisi uchun kurashga qo‘shildilar.
Joriy mavsumda Grinvud Liga 1 doirasidagi 29 ta o‘yinda 15 ta gol urdi va 6 ta golli uzatmani amalga oshirdi.
