Англия чемпионатида 35-тур баҳслари бошланди ва «Лидс» ўз майдонида «Бёрнли»ни мағлуб этиб (3:1), катта муваффақиятга эришди. Эндиликда клубнинг АПЛни тарк этиши учун фақат «фантастик» турнир сценарийси содир бўлиши керак, холос. Бундай ҳолатдан «Лидс» устози Даниэль Фаркенинг боши осмонда.
«Бу биз учун энг муҳим натижа. Қўшимча кубок ўйинлари билан боғлиқ барча қийинчиликларга қарамай, биз вазифани деярли бажардик. Энди рақобатчиларимиз асабийлашаётган бир пайтда, биз нисбатан хотиржам ҳаракат қилишимиз мумкин. Яна бир бор футболчиларга катта раҳмат айтаман», — дея Фаркенинг сўзларидан иқтибос келтирмоқда BBC Sport.
35 та ўйиндан сўнг «Лидс» ҳисобида 43 очко бор ва жамоа турнир жадвалида 14-ўринни эгаллаб турибди. Бу натижа уларга лигада қолиш учун мустаҳкам замин яратди.
