«Ювентус» футболчиси Франсишку Консейсау Англия Премьер-лигасининг икки гранд клуби қизиқишлари доирасига тушди.

Tuttosport хабарига кўра, «Ливерпуль» 23 ёшли вингерни Салоҳнинг эҳтимолий ўринбосари сифатида кўрмоқда. «Манчестер Юнайтед» ҳам португалиялик футболчини ҳужум чизиғини кучайтириш вариантларидан бири сифатида белгилаб олган.

Шу билан бирга, манбанинг таъкидлашича, келаётган ёзда футболчини қўлга киритиш осон бўлмайди, чунки «Ювентус» уни сотиш истагида эмас.

Консейсаунинг нархи Transfermarkt портали томонидан 30 миллион еврога баҳоланмоқда, унинг «кекса синьора» билан шартномаси 2030 йилгача мўлжалланган. Жорий мавсумдаги 38 та ўйинда Франсишку 4 та гол ва 4 та голли узатмани амалга оширди.