«Yuventus» futbolchisi Fransishku Konseysau Angliya Premyer-ligasining ikki grand klubi qiziqishlari doirasiga tushdi.

Tuttosport xabariga ko‘ra, «Liverpul» 23 yoshli vingerni Salohning ehtimoliy o‘rinbosari sifatida ko‘rmoqda. «Manchester Yunayted» ham portugaliyalik futbolchini hujum chizig‘ini kuchaytirish variantlaridan biri sifatida belgilab olgan.

Shu bilan birga, manbaning ta’kidlashicha, kelayotgan yozda futbolchini qo‘lga kiritish oson bo‘lmaydi, chunki «Yuventus» uni sotish istagida emas.

Konseysauning narxi Transfermarkt portali tomonidan 30 million yevroga baholanmoqda, uning «keksa sinyora» bilan shartnomasi 2030 yilgacha mo‘ljallangan. Joriy mavsumdagi 38 ta o‘yinda Fransishku 4 ta gol va 4 ta golli uzatmani amalga oshirdi.