«Ювентус» ҳужумчиси Кенан Йилдиз жамоа бош мураббийи Лучано Спаллетти ҳақида фикр билдирди. Италиялик мутахассис ўтган йилнинг кузида Турин жамоаси тепасида Игор Тудорнинг ўрнини эгаллаган эди. Ўшандан бери жамоа анча ишончли ва ёрқин ўйин кўрсата бошлади, буни футболчилар ва экспертлар ҳам мунтазам таъкидлаб келишмоқда.
«Бу шунчаки фантастика. Ҳар бир машғулотда Спаллетти ўзини 100 фоиз бағишлайди, шу билан бирга футболчилар билан ҳазиллашишга ҳам улгуради. У нафақат мураббий, балки инсон сифатида ҳам ажойиб шахс, у билан ўзингни доим қулай ҳис қиласан. Ўйлайманки, бу бизга куч беради — биз майдонда яхши ўйин кўрсатиб, унинг ишончини оқлашни истаймиз», — дея Николо Скира Йилдизнинг сўзларини келтиради.
Якшанба куни «бьянконери» А Сериянинг 35-тури доирасида ўз майдонида «Верона»ни қабул қилади.
