«Ювентус» «Барселона» ҳужумчиси Роберт Левандовски учун даъвогарлар қаторида қолмоқда. Тахминларга кўра, поляк футболчиси жорий мавсум якунида эркин агентга айланади.
Gazzetta dello Sport нашри берган маълумотларга кўра, «бьянконери» 37 ёшли футболчи учун курашдан чиққани йўқ, бироқ аввал Душан Влахович билан боғлиқ вазиятни ҳал қилиб олмоқчи — унинг ҳам шартномаси ёзда якунига етади. Бу масала ҳал бўлмагунча, янги харидлар бўйича бирор аниқ қадам ташланиши амримаҳол.
Роберт Левандовскининг «Барселона»дан кетиши ҳозирча расман тасдиқланмаган, аммо тез орада ҳужумчининг келажагига ойдинлик киритилиши кутилмоқда. Мавжуд маълумотларга кўра, Каталония гранди футболчига маоши сезиларли даражада камайтирилган бир йиллик шартнома таклиф қилмоқда.
