Бир қанча вақт аввал матбуотда Альваро Арбелоа ва Дани Себальос ўртасида зиддият юзага келгани ҳақида маълумотлар пайдо бўлган эди. «Реал» бош мураббийи навбатдаги матбуот анжуманида ушбу мавзу бўйича берилган саволга жавоб қайтарди.
«Мен ўз футболчиларим билан боғлиқ вазиятларни оммавий равишда муҳокама қилмайман. Ушбу кийиниш хонасига келганимга 20 йилдан ошди. Мен ўрганган энг биринчи нарса шу бўлдики — ҳамма нарса жамоа ичида қолиши керак. 20 йилдан бери шу тамойилга амал қилиб келяпман ва бундан кейин ҳам шундай давом этаман», — деди Арбелоа.
Ҳозирда Альваро Арбелоа «Реал»ни Ла Лига доирасидаги «Эспаньол»га қарши сафар ўйинига тайёрламоқда. Жамоалар якшанба куни, 3 майда ўзаро баҳс олиб боришади.
