Bir qancha vaqt avval matbuotda Alvaro Arbeloa va Dani Sebalyos o‘rtasida ziddiyat yuzaga kelgani haqida ma’lumotlar paydo bo‘lgan edi. «Real» bosh murabbiyi navbatdagi matbuot anjumanida ushbu mavzu bo‘yicha berilgan savolga javob qaytardi.
«Men o‘z futbolchilarim bilan bog‘liq vaziyatlarni ommaviy ravishda muhokama qilmayman. Ushbu kiyinish xonasiga kelganimga 20 yildan oshdi. Men o‘rgangan eng birinchi narsa shu bo‘ldiki — hamma narsa jamoa ichida qolishi kerak. 20 yildan beri shu tamoyilga amal qilib kelyapman va bundan keyin ham shunday davom etaman», — dedi Arbeloa.
Hozirda Alvaro Arbeloa «Real»ni La Liga doirasidagi «Espanyol»ga qarshi safar o‘yiniga tayyorlamoqda. Jamoalar yakshanba kuni, 3 mayda o‘zaro bahs olib borishadi.
