«ПСЖ» ўз майдонида Франция Лига 1нинг 32-тури доирасида «Лорьян» билан дуранг ўйнади — 2:2.

Парижликлар 6-дақиқада Ибраим Мбайенинг голи эвазига ҳисобда олдинга чиқиб олишди. Орадан олти дақиқа ўтиб, меҳмонлар Пабло Пажининг саъй-ҳаракатлари билан мувозанатни тиклашди.

Учрашувнинг 62-дақиқасида Уоррен Заир-Эмери «ПСЖ»ни яна олдинга олиб чиқди. Бироқ 78-дақиқада Айегун Тосин гол уриб, «Лорьян»нинг дуранг қайд этишини таъминлади.

«ПСЖ» (70 очко) Лига 1да пешқадамликни давом эттирмоқда. Луис Энрике шогирдлари «Ланс»дан 7 очко олдинда, аммо рақиб жамоада битта захира ўйини мавжуд. «Лорьян» эса 42 очко билан турнир жадвалида тўққизинчи ўринда бормоқда.

«ПСЖ» — «ЛОРЬЯН» — 2:2

Голлар: Ибраим Мбайе 6 (1:0), Пабло Пажи 12 (1:1), Уоррен Заир-Эмери 62 (2:1), Айегун Тосин 78 (2:2).

«ПСЖ»: Марин, Бералдо, Пачо, Эрнандез, Маюлу, Руис (Заир-Эмери, 61), Фернандес, Ли Кан Ин, Барколя, Мбай (Жоау Невеш, 62), Дуэ (Мунгенге, 75).

«Лорьян»: Мвого, Тальби, Фай, Аджей, Абержель, Кадиу, Куасси, Кацерис (Йонгва, 80), Пажи (Карим, 72), Авом (Макенго, 73), Дьенг (Тосин, 72).

Огоҳлантиришлар: Эрнандез (47) — Йонгва (90).