«PSJ» o‘z maydonida Fransiya Liga 1ning 32-turi doirasida «Loryan» bilan durang o‘ynadi — 2:2.
Parijliklar 6-daqiqada Ibraim Mbayening goli evaziga hisobda oldinga chiqib olishdi. Oradan olti daqiqa o‘tib, mehmonlar Pablo Pajining sa’y-harakatlari bilan muvozanatni tiklashdi.
Uchrashuvning 62-daqiqasida Uorren Zair-Emeri «PSJ»ni yana oldinga olib chiqdi. Biroq 78-daqiqada Ayegun Tosin gol urib, «Loryan»ning durang qayd etishini ta’minladi.
«PSJ» (70 ochko) Liga 1da peshqadamlikni davom ettirmoqda. Luis Enrike shogirdlari «Lans»dan 7 ochko oldinda, ammo raqib jamoada bitta zaxira o‘yini mavjud. «Loryan» esa 42 ochko bilan turnir jadvalida to‘qqizinchi o‘rinda bormoqda.
«PSJ» — «LORYAN» — 2:2
Gollar: Ibraim Mbaye 6 (1:0), Pablo Paji 12 (1:1), Uorren Zair-Emeri 62 (2:1), Ayegun Tosin 78 (2:2).
«PSJ»: Marin, Beraldo, Pacho, Ernandez, Mayulu, Ruis (Zair-Emeri, 61), Fernandes, Li Kan In, Barkolya, Mbay (Joau Nevesh, 62), Due (Mungenge, 75).
«Loryan»: Mvogo, Talbi, Fay, Adjey, Aberjel, Kadiu, Kuassi, Kaseris (Yongva, 80), Paji (Karim, 72), Avom (Makengo, 73), Dyeng (Tosin, 72).
Ogohlantirishlar: Ernandez (47) — Yongva (90).
