Букайо Сака «Фулхэм»га қарши ўйиннинг 9-дақиқасида Виктор Дьёкерешга голли узатмани етказиб бергач, «Арсенал» сафида Премьер-лигадаги ассистлари сонини 49 тага етказди.
Ушбу натижа эвазига Сака АПЛ тарихидаги энг яхши ассистентлар рўйхатида Харри Кейндан ўзиб кетди ҳамда Микель Артета ва Серхио Агуэрога етиб олди. Ушбу кўрсаткичдаги футболчилар орасида фақат Жейми Варди Сакадан олдинда бормоқда.
24 ёшли Сака АПЛдаги 223 та ўйинидан сўнг мусобақа тарихидаги энг яхши ассистентлар рўйхатида 59-ўринга кўтарилди.
Вингер бутун фаолиятини «Арсенал»да ўтказиб, клуб билан Англия Кубоги ва икки марта Англия Суперкубогида ғолиб чиққан. Шунингдек, у 2020–21 ва 2021–22 йилги мавсумларда клубнинг энг яхши футболчиси деб топилган.
Бундан ташқари, у 2024 йил февраль ойида «Вест Хэм» устидан қозонилган 6:0 ҳисобидаги ғалабада дубль қайд этиб, «Арсенал» сафида 50 та гол урган энг ёш футболчи сифатида тарихга кирган эди.
