«Реал» ҳужумчиси Килиан Мбаппе Испания чемпионатининг 35-туридан ўрин олган «Барселона»га қарши ўйинда иштирок этмаслиги мумкин.
Франциянинг Le Parisien нашрининг ёзишича, Мбаппенинг «эл-класико»да иштирок этиши катта сўроқ остида. У жаҳон чемпионатига тўлиқ тайёр ҳолда боришни истамоқда ва бу унинг асосий устувор вазифаси ҳисобланади.
Ла Лигада «Реал» ҳозирда «Барселона»дан 11 очкога ортда қолмоқда. Жамоалар ўзаро 10 майдан 11 майга ўтар кечаси майдонга тушади. Бу ўйиндан олдин «Барселона» «Осасуна»га қарши, «Реал» эса «Эспаньол»га қарши баҳс олиб боради.
2026 йилги жаҳон чемпионати 11 июндан 19 июлгача АҚШ, Канада ва Мексикада бўлиб ўтади. Франция терма жамоаси Мбаппе бошчилигида гуруҳ босқичида Сенегал, Ироқ ва Норвегияга қарши ўйнайди.













