Туркия чемпионати 32-турида "Фенербаҳче" ўз майдонида "Башакшеҳир"ни қабул қилиб, 3:1 ҳисобида ғалабага эришди.

Мезбонлар сафида Талиска хет-трик муаллифи бўлди, меҳмонлардан Амин Харит жавоб тўпини киритди.

"Башакшеҳир" сафида ҳамюртимиз Элдор Шомуродов асосий таркибда майдонга тушди ва 74-дақиқада захирага олинди. Аббосбек Файзуллаев захирада қолдирилди.

"Фенербаҳче" 70 очко билан турнир жадвалида 2-ўринда бормоқда. "Башакшеҳир" 51 очко билан 6-поғонада.

Фенербаҳче - Башакшеҳир - 3:1

Голлар: 28' 1:0 - Талиска, 36' 1:1 - А. Харит (К. Караташ), 57' 2:1 - Талиска (Фред), 72' 3:1 - Талиска (Фред).