«Барселона» ҳужумкор ярим ҳимоячиси Фермин Лопес жорий мавсумдаги гол+пас тизимида ўз очколарини 30 тага етказиб олди. 22 ёшли испаниялик футболчи Ла Лиганинг бугунги «Осасуна»га қарши баҳсида (2:1) 86-дақиқада Ферран Торресга голли узатма етказиб берди.
Бу Фермин учун жорий мавсумдаги барча мусобақалардаги 30-самарали ҳаракат бўлди (13 та гол ва 17 та ассист). У Ламин Ямалдан (24+18) кейин «кўк-анорранглилар» сафида ушбу кўрсаткичга эришган иккинчи футболчига айланди.
Ҳозирда «Барселона» Мадриднинг «Реал» клубини 14 очкога ортда қолдирмоқда. Агар якшанба куни «қаймоқранглилар» «Эспаньол»ни мағлуб эта олишмаса, Ханси Флик жамоаси муддатидан олдин чемпионликни қўлга киритади.
