Аввал хабар берганимиздек, Мадриднинг «Реал» клуби ичида Килиан Мбаппега нисбатан норозилик кайфияти тобора кучайиб бормоқда. Испания клуби учун ушбу мавсум кўнгилдагидек кечмаяпти. Мбаппе эса жароҳат олгач, уни тезроқ даволаш ва мавсумнинг энг масъулиятли палласида, хусусан, «эл-класико» олдидан жамоадошлари билан маънан бирга бўлиш ўрнига, барчасига «қўл силтади» ва қайлиғи билан Сардинияга дам олишга йўл олди.

Мбаппе ўзининг севиклиси Эстер Эспозито ҳамроҳлигида Париждан Сардиниянинг бош шаҳри Кальярига учиб кетаётганида кўриниш берган. derbyderbyderby.it нашрининг хабар беришича, футболчига нисбатан эътирозларнинг асосий сабаби айнан шу. Шубҳасиз, агар «Реал» ғалаба қозонаётган бўлганида, бундай хулқ-атворга кўз юмиш мумкин эди. Аммо жамоада кучли босим ва кескинлик ҳукм сураётган ҳозирги шароитда эмас.