«Манчестер Юнайтед» бош мураббийи Майкл Кэррик ўз жамоасини Премьер-лига чемпионлиги учун потенциал даъвогар деб ҳисоблаши ҳақидаги саволга жавоб берди. «Қизил иблислар» жорий мавсумда соврин учун курашда иштирок этмади, бироқ чемпионатни учинчи поғонада якунлаш учун яхши имкониятга эга.

«АПЛда ғолиб чиқиш — бу энг олий ютуқ. Футболчилар ўзларини бунга тайёр ҳис қилишлари йўлида улкан меҳнат талаб этилади. Қайсидир паллада биз ҳам даъвогарлар қаторида бўлишимизга умид ва ишончим бор — биз айнан шу мақсадга эришмоқчимиз. Бу қанча вақт олишини эса билмайман. Бу борада баландпарвоз баёнотлар бериш ниятим йўқ», — дея Кэррикнинг сўзларини келтирмоқда The United Stand нашри.

Бугун соат 19:30 да «МЮ»нинг ўз майдонида «Ливерпуль»га қарши баҳси бошланади.