«Manchester Yunayted» bosh murabbiyi Maykl Kerrik o‘z jamoasini Premyer-liga chempionligi uchun potensial da’vogar deb hisoblashi haqidagi savolga javob berdi. «Qizil iblislar» joriy mavsumda sovrin uchun kurashda ishtirok etmadi, biroq chempionatni uchinchi pog‘onada yakunlash uchun yaxshi imkoniyatga ega.

«APLda g‘olib chiqish — bu eng oliy yutuq. Futbolchilar o‘zlarini bunga tayyor his qilishlari yo‘lida ulkan mehnat talab etiladi. Qaysidir pallada biz ham da’vogarlar qatorida bo‘lishimizga umid va ishonchim bor — biz aynan shu maqsadga erishmoqchimiz. Bu qancha vaqt olishini esa bilmayman. Bu borada balandparvoz bayonotlar berish niyatim yo‘q», — deya Kerrikning so‘zlarini keltirmoqda The United Stand nashri.

Bugun soat 19:30 da «MYU»ning o‘z maydonida «Liverpul»ga qarshi bahsi boshlanadi.