«Челси» клуби «Милан» ҳимоячиси Страхинья Павловични сотиб олишга қизиқиш билдирмоқда. Calciomercato нашри берган маълумотларга кўра, Лондон клуби футболчининг охирги ўйинларини диққат билан кузатиб бормоқда. «Кўклар» яқин ҳафталар ичида ўйинчининг трансфери бўйича таклиф юбориш ниятида.

Ўз навбатида, «Милан» раҳбарияти жамоани қайта қуришни режалаштирган ва «Челси» ҳимоячиси Бенуа Бадьяшиль номзодини кўриб чиқмоқда. Шу тариқа, клублар футболчиларни ўзаро алмаштиришлари мумкин.

Страхинья Павлович 2024 йилда «РБ Зальцбург»дан 18 миллион евро эвазига «Милан»га ўтган эди. Унинг шартномаси 2028 йилнинг 30 июнига қадар мўлжалланган. Жорий мавсумда ҳимоячи барча турнирларда 34 та ўйинда майдонга тушиб, 4 та гол урди ва 1 та голли узатмани амалга оширди.