«Реал» ярим ҳимоячиси Дани Себальос Альваро Арбелоа билан низоси борлиги ҳақидаги маълумотлар ҳақиқатга тўғри келмаслигига шаъма қилди.

Аввалроқ, Себальос бош мураббийдан у билан алоқани тўхтатишни сўрагани ҳақида хабарлар тарқалган эди. Таъкидланишича, «Реал» раҳбарияти футболчи майдонда етарлича вақт ололмаётганини оқлаш учун атайлаб низо келтириб чиқарган, деб ҳисобламоқда.

Шанба куни Себальос ўзининг Instagram саҳифасидаги «сторис» бўлимига «Реал» машғулотларидан Винисиус Жуниор ва Браим Диас билан тушган суратини жойлаштирди. Ушбу постга испаниялик хонанда Нани Кортеснинг «Todo es Mentira» («Буларнинг барчаси ёлғон») номли қўшиғини илова қилди. Шундан сўнг, Дани «Corridos del Rey» гуруҳининг «Ayer hablé con Dios» («Кеча Худо билан гаплашдим») треги остида ўз суратини ҳам қолдирди.