Фрэнк Лэмпард қўл остида АПЛга чиққан «Ковентри» янги мавсум олдидан таркибни кучайтиришга тайёргарлик кўрмоқда. Жамоа «Ювентус»га бельгиялик ҳужумчи Луи Опенданинг трансфери борасида сўров юборди, деб хабар бермоқда TransferFeed Италия ОАВларига таяниб.
Бир ой олдин хабар берилганидек, «Ювентус» шартнома шартларига кўра ушбу футболчини «РБ Лейпциг»дан сотиб олишга мажбур бўлган эди ва ўшандаёқ Опенда жамоасини ўзгартириши мумкинлиги маълум эди.
«Ювентус» бельгиялик футболчини нафақат сотишга, балки ижарага беришга ҳам тайёр. Бунда сотиб олиш ҳуқуқи ёки сотиб олиш мажбурияти билан боғлиқ вариантлар ҳам кўриб чиқилмоқда. Жорий мавсумда 26 ёшли футболчи «кекса синьора» сафида 30 та ўйинда майдонга тушиб, бор-йўғи 2 та гол уришга муваффақ бўлди.
