Frenk Lempard qo‘l ostida APLga chiqqan «Koventri» yangi mavsum oldidan tarkibni kuchaytirishga tayyorgarlik ko‘rmoqda. Jamoa «Yuventus»ga belgiyalik hujumchi Lui Opendaning transferi borasida so‘rov yubordi, deb xabar bermoqda TransferFeed Italiya OAVlariga tayanib.
Bir oy oldin xabar berilganidek, «Yuventus» shartnoma shartlariga ko‘ra ushbu futbolchini «RB Leypsig»dan sotib olishga majbur bo‘lgan edi va o‘shandayoq Openda jamoasini o‘zgartirishi mumkinligi ma’lum edi.
«Yuventus» belgiyalik futbolchini nafaqat sotishga, balki ijaraga berishga ham tayyor. Bunda sotib olish huquqi yoki sotib olish majburiyati bilan bog‘liq variantlar ham ko‘rib chiqilmoqda. Joriy mavsumda 26 yoshli futbolchi «keksa sinyora» safida 30 ta o‘yinda maydonga tushib, bor-yo‘g‘i 2 ta gol urishga muvaffaq bo‘ldi.
