Марказий ҳужумчи Жонатан Дэвид яқинлашиб келаётган трансфер ойнасида «Ювентус»ни тарк этишга яқин турибди. Турин клуби раҳбарияти канадалик футболчининг жорий мавсумдаги ўйинидан унчалик мамнун эмас.
Calciomercato нашрининг хабар беришича, «Астон Вилла» Дэвиднинг хизматларига қизиқиш билдирмоқда. Англия клуби футболчини еврокубоклар олдидан ҳужум чизиғини кучайтириш учун номзод сифатида кўриб чиқмоқда.
Жорий мавсумда ҳужумчи барча турнирларда 43 та ўйинда иштирок этиб, ўз ҳисобига саккизта гол ва бешта голли узатмани ёздириб қўйди. Дэвиднинг «Ювентус» билан амалдаги меҳнат шартномаси 2030 йилгача мўлжалланган. Transfermarkt портали мутахассислари 26 ёшли футболчини 35 миллион еврога баҳолашмоқда.
