Markaziy hujumchi Jonatan Devid yaqinlashib kelayotgan transfer oynasida «Yuventus»ni tark etishga yaqin turibdi. Turin klubi rahbariyati kanadalik futbolchining joriy mavsumdagi o‘yinidan unchalik mamnun emas.

Calciomercato nashrining xabar berishicha, «Aston Villa» Devidning xizmatlariga qiziqish bildirmoqda. Angliya klubi futbolchini yevrokuboklar oldidan hujum chizig‘ini kuchaytirish uchun nomzod sifatida ko‘rib chiqmoqda.

Joriy mavsumda hujumchi barcha turnirlarda 43 ta o‘yinda ishtirok etib, o‘z hisobiga sakkizta gol va beshta golli uzatmani yozdirib qo‘ydi. Devidning «Yuventus» bilan amaldagi mehnat shartnomasi 2030 yilgacha mo‘ljallangan. Transfermarkt portali mutaxassislari 26 yoshli futbolchini 35 million yevroga baholashmoqda.