Мадриднинг «Реал» клуби бош мураббийи Альваро Арбелоа «Эспаньол»га қарши кечган баҳсдаги (2:0) Винисиус Жуниорнинг ўйини ҳақида ўз фикрларини билдирди.
Бразилиялик футболчи учрашувдаги ҳар иккала голга муаллифлик қилди: у 55-дақиқада ҳисобни очган бўлса, 66-дақиқада якуний натижани ўрнатди.
«Винисиус доимгидек ажойиб ўйин кўрсатди. У рақиблар учун доимий хавф туғдиради, у — бизнинг етакчимиз. Винисиус тўпсиз ҳаракат қилишда ҳам жуда меҳнаткаш, ҳимояланишда бизга ёрдам беради ва юқори жамоавий фазилатларни намойиш этади. Таркибимизда шундай футболчи борлигидан жуда бахтиёрман», — деди Арбелоа матбуот анжуманида.
