Madridning «Real» klubi bosh murabbiyi Alvaro Arbeloa «Espanyol»ga qarshi kechgan bahsdagi (2:0) Vinisius Juniorning o‘yini haqida o‘z fikrlarini bildirdi.
Braziliyalik futbolchi uchrashuvdagi har ikkala golga mualliflik qildi: u 55-daqiqada hisobni ochgan bo‘lsa, 66-daqiqada yakuniy natijani o‘rnatdi.
«Vinisius doimgidek ajoyib o‘yin ko‘rsatdi. U raqiblar uchun doimiy xavf tug‘diradi, u — bizning yetakchimiz. Vinisius to‘psiz harakat qilishda ham juda mehnatkash, himoyalanishda bizga yordam beradi va yuqori jamoaviy fazilatlarni namoyish etadi. Tarkibimizda shunday futbolchi borligidan juda baxtiyorman», — dedi Arbeloa matbuot anjumanida.
