Мадриднинг «Реал» клуби ҳужумчиси Винисиус Жуниор «Эспаньол» устидан қозонилган ғалабадан (2:0) сўнг журналистлар билан суҳбатлашди. 25 ёшли футболчи мазкур ўйинда дубль қайд этди ва учрашувнинг энг яхши футболчиси деб топилди. «Қаймоқранглилар» ушбу ғалаба орқали «Барселона»нинг чемпионлигини яна камида бир ҳафтага кечиктиришди.
«Бу мавсум биз кутганимиздек кечмади, бироқ қолган ўйинлардан максимал даражада фойдаланишимиз ва кейинги мавсумга энг яхши ҳолатда етиб келишимиз керак. Ишончим комил, биз яна чўққига қайтамиз — «Реал» ҳар доим айнан ўша ерда бўлиши шарт», — дея бразилиялик футболчининг интервьюсидан иқтибос келтирмоқда Madrid Universal.
