Madridning «Real» klubi hujumchisi Vinisius Junior «Espanyol» ustidan qozonilgan g‘alabadan (2:0) so‘ng jurnalistlar bilan suhbatlashdi. 25 yoshli futbolchi mazkur o‘yinda dubl qayd etdi va uchrashuvning eng yaxshi futbolchisi deb topildi. «Qaymoqranglilar» ushbu g‘alaba orqali «Barselona»ning chempionligini yana kamida bir haftaga kechiktirishdi.
«Bu mavsum biz kutganimizdek kechmadi, biroq qolgan o‘yinlardan maksimal darajada foydalanishimiz va keyingi mavsumga eng yaxshi holatda yetib kelishimiz kerak. Ishonchim komil, biz yana cho‘qqiga qaytamiz — «Real» har doim aynan o‘sha yerda bo‘lishi shart», — deya braziliyalik futbolchining intervyusidan iqtibos keltirmoqda Madrid Universal.
