Мадриднинг «Реал» клуби Ла Лигада узоқ кутилган «қуруқ» ўйинни ўтказди. Альваро Арбелоа шогирдлари иккинчи бўлимда Винисиус Жуниор томонидан йўлланган иккита аниқ зарба эвазига «Эспаньол» устидан сафарда ғалаба қозонишди (2:0).

«Қаймоқранглилар» учун бу чемпионат доирасида қарийб уч ой ичида гол ўтказиб юборилмаган илк баҳс бўлди — жамоа охирги марта 8 февраль куни «Валенсия»ни худди шундай ҳисобда мағлуб этганда ўз дарвозаси дахлсизлигини сақлаб қолган эди.

Мавсум якунланишига тўртта тур қолганда «Реал» пешқадам «Барселона»дан 11 очко ортда қолмоқда. Кейинги турда жамоалар ўзаро тўқнаш келишади — «кўк-анорранглилар» ғалаба ёки дуранг қайд этган тақдирда муддатидан аввал чемпионликни қўлга киритишади.