Миланнинг «Интер» клуби президенти Жузеппе Маротта жамоанинг трансфер мақсадлари ҳақидаги саволга жавоб берди.
«Нерадзуррилар» А Сериядаги вазифасини бажариб бўлди: Кристиан Киву шогирдлари мавсум якунига уч тур қолганда чемпионликни кафолатлашди. Олдинда эса «Лацио»га қарши Италия Кубоги финали кутмоқда.
«Ҳозир трансферларни муҳокама қилиш учун энг муносиб вақт эмас, лекин бизнинг режаларимиз ва ғояларимиз аниқ. Бизда ўзагини италияликлар ташкил этувчи кучли жамоа бор. Биз бу йўналишда ишлашда давом этмоқчимиз — таркибни ёш италиялик иқтидорлар билан кучайтиришдан мамнун бўламиз, лекин, албатта, фақат улар билан чекланиб қолмаймиз. Биз учун тажрибали хорижлик футболчиларни таклиф қилиш ҳам муҳим. Ҳамма биладики, фақат ёшлар билан ғалаба қозониб бўлмайди — тўғри мувозанат (баланс) жуда муҳим», — деди Маротта DAZN билан суҳбатда.
«Интер» 35 турдан сўнг 82 очко жамғарди. «Наполи» билан орадаги фарқ 12 очкони ташкил этмоқда.
