«Ливерпуль» бош мураббийи Арне Слот АПЛ 35-туридан ўрин олган «Манчестер Юнайтед»га қарши баҳс якунлари ҳақида тўхталди. Учрашув мерсисайдликларнинг 2:3 ҳисобидаги мағлубияти билан якунланди.
«Биз рақибнинг кучли томонларини назорат қила олмадик. Биз бу жиҳатларни билардик, улардан иккитаси — стандарт вазиятлар ва қарши ҳужумлардир. Биринчи голни стандартдан ўтказиб юбордик. Иккинчи голга келадиган бўлсак, «Юнайтед»га қарши ўйинда майдоннинг қайси қисмида тўпни йўқотиш мумкин эмаслигини тушуниш керак», — дея Слотнинг сўзларини келтирмоқда Sky Sports.
«Биз 0:2 ҳисобини тенглаштиришга муваффақ бўлдик, бироқ одатда содир бўладиган ҳолат такрорланди — бир лаҳзага диққатни йўқотдик ва шу заҳоти гол ўтказиб юбордик», — дея жамоа ўйинидаги такрорий муаммоларга эътибор қаратди мутахассис.
Ушбу ўйиндан сўнг «Ливерпуль» 58 очко билан турнир жадвалида тўртинчи ўринни эгаллаб турибди, «Манчестер Юнайтед» эса 64 очко билан учинчи поғонага жойлашган.
