Гари Невиллнинг фикрича, жорий мавсумда «Ливерпуль» жамоасини селекция ишлари панд берди. 35-турдан сўнг «қизиллар» АПЛ турнир жадвалида 4-ўринни эгаллаб турибди.

«Мавсум бошида биз уларни биринчи ёки иккинчи ўринга қўйгандик. Улар Фримпонг Трентнинг ўрнини эгаллашини, Керкез эса Робертсоннинг ўрнини босишини исташганди. Салоҳдан ўтган йилги натижаларини бу йил ҳам такрорлашини кутишганди. Улар Экитике ва Исак иккаласи биргаликда 60 та гол уради, Виртц эса чап қанотдан марказга кўчиб, фурор кўтаради деб ўйлашганди.

Бироқ бу режалар амалга ошмади. Селекция муваффақиятсиз чиқди, бунинг устига жароҳатлар ҳам қўшилди. Улар ўтган мавсумдан бери ёши катта футболчиларнинг ўрнини тўлдиришга ҳаракат қилишмоқда, аммо жамоага келиб қўшилганлар, Экитикедан ташқари, ўйинга киришиб кета олишмади», — деди Англия терма жамоасининг собиқ ҳимоячиси.