«Барселона» собиқ устози Хави Эрнандеснинг ишлари билан шуғулланувчи AC Talent агентлиги испаниялик мутахассиснинг Россияда ишлашга тайёрлиги ҳақидаги саволга жавоб берди.
«Хави РПЛда ишлаш вариантларини кўриб чиқяптими? Йўқ, у Россияда ишлаш вариантларини кўриб чиқмаяпти», — деди агентлик вакили Sport24 нашри билан суҳбатда.
Хави 2021 йилнинг ноябридан 2024 йилнинг ёзига қадар «Барселона»ни бошқарган эди. Унинг қўл остида «кўк-анорранглилар» Испания чемпиони бўлишди ва мамлакат Суперкубогини қўлга киритишди. Каталония клубидан кетганидан сўнг Хави ҳеч қаерда ишламади.
Маълумот учун, испаниялик мутахассис 2019 йилдан 2021 йилгача Қатарнинг «Ас-Садд» жамоасини ҳам бошқарган.
