«Хетафе» келаси мавсумдан жамоа бошқарувига Фабио Челестинини тайинлаш имкониятини кўриб чиқмоқда.
Marca нашрининг хабар беришича, «Хетафе»нинг амалдаги устози Пепе Бордалас шу мавсум охирида якунига етадиган шартномасини узайтиришдан бош тортган. Испания клуби президенти Анхель Торрес Челестинини унинг ўрнини эгаллаш учун энг муносиб номзод деб ҳисобламоқда — швейцариялик мутахассис билан илк алоқалар ўрнатилган. Шунингдек, клуб номзодлар орасида Сербия терма жамоасининг амалдаги бош мураббийи Велько Паунович вариантини ҳам кўриб чиқмоқда.
Маълумот учун, Челестини 2005 йилдан 2010 йилгача «Хетафе» шарафини футболчи сифатида ҳимоя қилган.
