«Манчестер Сити» бош мураббийи Хосеп Гвардиола «Эвертон»га қарши баҳсдаги очко йўқотилишига изоҳ берди. «Шаҳарликлар» 3:3 ҳисобида дуранг ўйнашди ва бу натижа уларнинг АПЛ чемпионлик унвонини қайтариб олиш имкониятларини бироз пасайтириб юборди.

«Ҳар доимгидек, натижани борлигича қабул қиламан. Иккинчи бўлимда рақибга ҳаддан ташқари кўп имконият бериб юбордик. Эҳтимол, олдинга интилиш иштиёқи етарлича бўлмагандир, лекин буни тушунса бўлади. Улар яккама-якка курашларда жуда мустаҳкам, ҳатто ақл бовар қилмайдиган даражада кучли эдилар. Бу — АПЛ, бу ерда қандай ўйинлар бўлишини барчамиз яхши биламиз», — дея Гвардиоланинг сўзларидан иқтибос келтирмоқда BBC Sport.

Эслатиб ўтамиз, айни дамда турнир жадвалида «Арсенал» пешқадамлик қилмоқда.