«Манчестер Сити» бош мураббийи Пеп Гвардиола Жереми Доку ва Майкл Кин иштирокидаги баҳсли вазият ҳақида ўз фикрини билдирди.

АПЛнинг 35-тури доирасида «шаҳарликлар» сафарда «Эвертон» билан дуранг ўйнашди (3:3). Учрашувнинг 45-дақиқасида мезбонлар ҳимоячиси Кин меҳмонлар вингери Докунинг оёғига орқадан зарба берди. Бельгиялик футболчи майдонга йиқилиб, оёғи ва юзини ушлаганча бир неча дақиқа ётиб қолди.

VAR ушбу вазиятни қизил карточка эҳтимоли бўйича кўриб чиқди, бироқ якунда бош ҳакам Майкл Оливер «Эвертон» ўйинчисига сариқ карточка кўрсатиш билан чекланди.

— Киннинг ишлатган фоли (подкати) ҳақида нима дея оласиз?

— (Бир неча бор елка қисиб) Нима ҳам дердим? Сариқ карточка. Доку 50 сонияга сафдан чиқди ва қайтишни кутди.

— Сизнингча, бу вазиятда қизил карточка берилиши керакмиди?

— Бу менинг ишим эмас, — деди Гвардиола.