«Интер» президенти Жузеппе Маротта жамоа ҳимоячиси Алессандро Бастонининг келажаги борасидаги фикрлари билан ўртоқлашди.

«Барселона» томонидан қизиқиш борлигини инкор этмайман, бироқ ҳозирча бу шунчаки юзаки қизиқиш холос. Биз доимо айтганимиздек, футболчи фақат ўзи кетиш истагини билдирган тақдирдагина жамоани тарк этади. Айни дамда у бизнинг ўйинчимиз, у қолишни истайди ва биз ундан мамнунмиз», — дея функционернинг сўзларидан иқтибос келтирмоқда журналист Фабрицио Романо.

Бастони 2017 йилдан бери «Интер» шарафини ҳимоя қилиб келмоқда. Жорий мавсумда 27 ёшли италиялик ҳимоячи барча турнирларда 38 та ўйинда майдонга тушиб, ўз ҳисобига 2 та гол ва 6 та голли узатмани ёздириб қўйди. Унинг клуб билан амалдаги шартномаси 2028 йилгача мўлжалланган. Transfermarkt мутахассислари футболчининг трансфер қийматини 70 миллион еврога баҳоламоқдалар.