«Манчестер Сити»нинг скандинавиялик марказий ҳужумчиси Эрлинг Холанд АПЛ 35-тури доирасидаги «Эвертон»га қарши сафар ўйинида очко йўқотилгач, жамоадошларига қарата бир неча сўз айтди. Мазкур баҳсда жамоалар 3:3 ҳисобидаги жанговар дурангга имзо чекишди.
«Биз ҳали ҳам ўйиндамиз», — дея норвегиялик ҳужумчининг сўзларини келтирмоқда BBC Sport.
АПЛ мавсуми якунланишига уч тур қолганда, «шаҳарликлар» 71 очко жамғариб, турнир жадвалида иккинчи ўринда боришмоқда. Хосеп Гвардиола шогирдларининг пешқадам «Арсенал»дан ортда қолиши беш очкони ташкил этади, бироқ «Манчестер Сити» ихтиёрида захира ўйини мавжуд. Кейинги турни «шаҳарликлар» «Брентфорд»га қарши ўтказадилар.













