Аргентиналик ҳужумчи Пауло Дибаланинг «Рома»даги келажаги борасида янги тафсилотлар маълум бўлди.
Хабар қилинишича, «римликлар» ҳужумчи билан ҳамкорликни 2027 йилга қадар узайтириш имкониятини кўриб чиқмоқда. Бироқ «Рома» раҳбарияти янги шартномада футболчининг йиллик маошини сезиларли даражада камайтириш ниятида. Дибаланинг ўзи эса Рим клубида қолиш истагини билдирган.
Шу билан бирга, Аргентинанинг «Бока Хуниорс» клуби футболчининг атрофидаги вазиятни диққат билан кузатмоқда. Ҳозирча «Бока» томонидан расмий таклиф тушмаган бўлса-да, улар Дибала учун курашда давом этмоқда.













