«Ливерпуль» бош мураббийи Арне Слот Амстердамнинг «Аякс» клуби билан дастлабки музокараларни ўтказди. Нидерландия клуби агар мутахассис инглиз клубидан истеъфога чиқарилса, уни жамоага таклиф этмоқчи.
Ҳозирча «Ливерпуль» раҳбарияти Слотнинг келажаги борасида расмий баёнот бергани йўқ. Бироқ, агар жамоа мавсум якунида Чемпионлар лигаси йўлланмасини қўлга кирита олмаса, мураббий ишдан бўшатилиши эҳтимоли мавжуд. Айни дамда мерсисайдликлар АПЛ турнир жадвалида 58 очко билан 4-ўринни эгаллаб турибди.
Маълумот учун, Арне Слот 2024 йилдан буён «Ливерпуль»ни бошқариб келмоқда. Унинг қўл остида жамоа Англия чемпионлигини қўлга киритишга муваффақ бўлган эди.













