«Бавария» бош мураббийи Венсан Компани «Арсенал» устози Микель Артетанинг фикрларига изоҳ берди. Аввалроқ Артета Мюнхен клуби ва «ПСЖ» ўз лигаларининг сифати АПЛга қараганда пастроқлиги сабабли футболчиларига дам бериш имкониятига эга эканлигини таъкидлаган эди.

«Бу борада кўп изоҳ бермоқчи эмасман. Мен АПЛда кўп йиллар ўйнаганман. Менимча, бу гаплар «Бавария» ёки «ПСЖ»га нисбатан танқид эмас, балки шунчаки мулоҳаза сифатида айтилган. Англияда сизда лигада 38 та ўйин, Лига кубоги, Англия кубоги бор ва қишки танаффус мавжуд эмас. Буни муҳокама қилиш менга эмас, лекин бу мулоҳазалар анча асосли. Юрген Клопп ҳам бу ҳақда кўп марта гапирган», — деди Компани матбуот анжуманида.

Эслатиб ўтамиз, Чемпионлар лигаси ярим финали доирасида «Арсенал» жавоб учрашувида «Атлетико» билан баҳс олиб борса, «Бавария» «ПСЖ»га қарши майдонга тушади.