Микель Артета фаолиятида илк бор Чемпионлар лигаси финалига чиқди.
Испаниялик мутахассис қўл остидаги «Арсенал» Чемпионлар лигаси ярим финалининг жавоб учрашувида «Атлетико» устидан ғалаба қозонди (1:0, биринчи ўйин – 1:1) ва кейинги босқич йўлланмасини қўлга киритди.
Артета илк бор Чемпионлар лигаси финалида иштирок этади — бунга қадар у на мураббий ва на футболчи сифатида ушбу турнирнинг ҳал қилувчи баҳсигача етиб бора олмаган эди.
Мусобақанинг бош соврини учун кечадиган ўйинда Лондон жамоаси «ПСЖ» ёки «Бавария» билан тўқнаш келади.
