«Ювентус» марказий ҳимоячиси Федерико Гатти ёзги трансфер ойнасида клубни тарк этиши мумкин. Италиялик футболчига Премьер-лигадан жиддий қизиқиш бор: инсайдер Николо Скиранинг хабар беришича, унга «Эвертон», «Астон Вилла», «Фулхэм» ва «Кристал Пэлас» жамоалари даъвогарлик қилмоқда.
Шу билан бирга, манбанинг қўшимча қилишича, 27 ёшли футболчининг ўзи Англияга кетиш иштиёқида эмас — у ё «Ювентус»да қолишни, ёки А Сериянинг бошқа бирор клубига ўтишни афзал кўрмоқда.
Ўтган ёзда Гатти билан «Наполи», қишда эса «Милан» қизиққан эди. Миш-мишларга кўра, «кекса синьора» ўз ўйинчисини сотиш орқали 20 миллиондан 25 миллион еврогача маблағ ишлаб олишни режалаштирмоқда.
