Лондоннинг «Арсенал» клуби бош мураббийи Микель Артета Чемпионлар лигаси финалида жамоа таркиби қандай бўлиши ҳақидаги саволга жавоб берди. Эслатиб ўтамиз, аввалроқ «канонирлар» ўз майдонида Мадриднинг «Атлетико» жамоасини мағлуб этиб (1:0), сўнгги 20 йил ичида илк бор бош еврокубок финалига йўл олган эди.
«Ҳозирча билмайман. Биз рақибни, футболчиларнинг жисмоний ва руҳий ҳолатини таҳлил қилишимиз керак. Ҳатто бугунги ўйин учун таркиб танлаш ҳам қийин кечди: мен ўнлаб вариантларни кўриб чиқдим, лекин уларнинг бирортаси мени тўлиқ ишонтирмади. Якунда эса ўзим тўғри деб ҳисоблаган қарорни қабул қилдим», — деди Артета журналистларга.
