«Арсенал» ярим ҳимоячиси Деклан Райс «Вест Хэм»нинг ҳозирги ҳолати ҳақида фикр билдирди. Эслатиб ўтамиз, хавбек 2013 йилдан 2023 йилгача «болғачилар» тизимида бўлган.

«Бу клуб менга ҳамма нарсани берган. «Вест Хэм»сиз мен ҳозирги даражамга чиқа олмасдим. Бунга чин дилдан ишонаман. Уларнинг бундай аҳволда эканини кўриш ёқимсиз, лекин бу футбол ва менинг бажаришим керак бўлган ўз ишим бор. Биз чемпионлик учун курашяпмиз. Кучлиси ғолиб бўлсин», — дея Райснинг сўзларини келтиради журналист Фабрицио Романо.

АПЛнинг 36-тури олдидан «Арсенал» 76 очко билан турнир жадвалида пешқадамлик қилмоқда. «Вест Хэм» эса 36 очко билан 18-ўринни эгаллаб, хавфли ҳудудда (жон сақлаб қолиш зонаси) бормоқда.

Эслатиб ўтамиз, «Вест Хэм» ва «Арсенал» ўртасидаги учрашув 10 май куни соат 18:30 да бўлиб ўтади.